Fonk sunuy làmmiñ ag kurél la gu ëmb ay jigéen ak i góor yuy yëngu ci saytu ak jubal làmmiñi réew mi. Mu ngi soqeekoo ci njàngalem ijji mu nu defoon ci iniwersite ci atum 2020.

Kurél la guy liggéey ngir jëmmal, taaral làmmiñi réew mi, fexe lammiñ yooyule di amal njariñ askan wi ci lépp lu muy yëngatu, ba mën a indi naataange ci réew mi.

Sas woowu nag, nu fas yéene jaare ko ci ñetti fànn yii :

• jàngale mbind ci làmmiñi réew mi, jëkke ko ci wolof tudde ko Àllarbay làkki réew mi
• jubbanti mbind mi ci tele yi ak ci mbedd mi : Ànd jubal mbind mi
• wone ak waxtaane téere ci ñu bind ci làmmiñi réew: Péncum Maam Yunus Jeŋ