Danu ciy jangale mbind ak dawal ci làmmiñi réew mi. Li ko soxal mooy dimbale képp ku bëgg a mën bind ak jàng ci làmmiñi réew mi. Li waral turu « àllarba » mooy dafa fekk ne njàngale la bu kenn dul fey. Muy àllarba ju kurél gi di delloo réew mi.

Ñu ngi ko doon amal ciy béréb yu ñu daan daje ca Iniwersite (Ifan Ch. A. Diop ak EBAD) ak it ci lënd gi ndax ñépp mën cee bokk.

Ci lu yàggul dara, ci weerum nowàmbar lanu ubbi kalaasu jóola. Fas nanu yéene ubbi ay kalaas ci yeneen làmmiñi réew mi.